புவி வாழ்த்த வாழ்க🙏

இது உலகின் முதல் குரு சரணாலயம் ஆகும். ஒரே இடத்தில் மொத்தம் 22 சித்தர்களையும், அவர்களின் குருவான முருகப் பெருமானை ஆத்ம குரு வாகவும் கொண்டு, ஒரு அற்புதமான தியான பீடமாக இது திகழ்கிறது.
உலகில் வேறு எங்கும் காண முடியாத வகையில், தன் ஒரு கையில் ஆத்ம ஞானம் ஏடு ஏந்தி, இடுப்பில் வாளுடன் குழந்தை ரூபத்தில் முருகன் ஆத்ம குருவாக 22 சித்தர்களுக்கு நடுவில் காட்சியளிக்கிறார். இவர் நமது ஆன்மாவை நல்வழிப்படுத்தும் ஆத்ம குருவாக விளங்குகிறார்.
மனித மூளையைப் பாதுகாக்கும் எலும்புகள் மொத்தம் 22 ஆகும். அதேபோல், நமது எண்ணங்களையும் சிந்தனைகளையும் காத்து நெறிப்படுத்தவே 22 சித்தர்கள் இங்கே வீற்றிருக்கிறார்கள்.

வழிபாட்டு முறை
இவர்களை வணங்கி வழிபடும் முறையே மிகவும் வித்தியாசமானது:

1. குரு வாசல்: முதலில் குருவாசல் வழியே நுழைந்து, சித்தபெருமக்களை வரிசைப்படி தரிசிக்க வேண்டும். திருமூலர், கருவூரார், இராமதேவர், அகத்தியர், இடைக்காடர், போகர், புலிப்பவானி சித்தர், புலத்தியர், தன்வந்திரி, காக்காபுஜண்டர், குதம்பைச் சித்தர் முதலான முதல் 11 சித்தர்களை வணங்க வேண்டும்.

2. ஆத்மேஷ்வரர் தரிசனம்: அதன் பின்னர், தியானக் கோலத்தில் மனித ரூபத்தில் வீற்றிருக்கும் ஆத்மேஷ்வரரை வணங்க வேண்டும்.

3. குகன் வாசல்: அதன் பின்னே குகன் வாசல் வழியாகச் சென்று, தளபதி கோலத்தில் வீற்றிருக்கும் சேனாதிபதியாகிய முருகனை 15 அடி உயரத்தில், தன் இடுப்பில் வாளுடனும் கையில் வேலுடனும், கடலை நோக்கிய வண்ணம் காட்சியளிக்கும் இரட்சகன் முருகனை வணங்க வேண்டும். உலகில் தனது உண்மை சொரூபமான இரட்சகன் போர்த்தளபதி ரூபத்தில், முருகன் யானை மீது காட்சியளிப்பது இங்கு மட்டுமே! இந்த ரூபத்தில் முருகன் உலகில் வேறு எங்கும் இல்லை என்பதே உண்மை.

4. ஞான வாசல்: இவரைத் தரிசித்த பின்னர், ஞான வாசல் வழியே நாம் மீண்டும் அடுத்த 11 சித்த பெருமக்களை முறையாக வரிசைப்படி தரிசிக்க வேண்டும். புண்ணாகீசர், கொங்கணர், கமலமுனிவர், கோரக்கர், மச்சமுனி, பாம்பாட்டி சித்தர், பதஞ்சலியார், சிவவாக்கியர், சட்டைமுனி, காலாங்கிநாதர் மற்றும் இறுதியாக நந்தி தேவரை தரிசனம் செய்து விட்டு ஞால வாசல் வழியாக வெளியேற வேண்டும்.

தியானத்தின் பலன்கள்
இந்த குரு சரணாலயம் மூன்று அடி உயரத்தில், ஒரு பிரமிடு கோலத்தில் தியானத்திற்கு ஏதுவாக அமைக்கப்பட்டு இருக்கிறது. உங்கள் பிரச்சனைகள் (உடல் அல்லது மனம் சார்ந்தவை) எதுவாக இருந்தாலும், சரியாக 21 நாட்கள் இங்கு வந்து தியானம் செய்யும்போது, இங்கிருக்கும் நேர்மறையான அதிர்வலைகளால் (Positive Vibrations) உங்களின் நோய்களுக்கான தீர்வு கிடைக்கும் என்பது நிச்சயம். 22 சித்தர்கள் மற்றும் முருகனின் நடுவே அமர்வது யோக நிலையைத் தரும் என்பதில் ஐயமில்லை.

இந்த ஆலயத்தின் நிறுவனர் குரு ஆத்மேஷ்வரர் ஆவார். இவரது தியானத்தில் முருகன் காட்சியளித்த கோலமே இந்த குரு சரணாலயமாக உருவாக்கப்பட்டுள்ளது. 22 சித்தர்களை முருகனுடன் இதுவரை வெறும் புகைப்படங்களில் மட்டுமே பார்த்து ரசித்த நமக்கு, நேரடியாக உண்மை ரூபத்தில் காண்பது பேரின்பத்தைத் தரும். இது அனைவரும் பெற வேண்டிய பெரும் பாக்கியமாகும்.

குரு ஆத்மேஷ்வரரின் அற்புத நூல்கள்
குரு ஆத்மேஷ்வரர் பல ஆன்மீக நூல்களை இயற்றியுள்ளார். அவற்றுள் முக்கியத்துவம் வாய்ந்தவை:
கலியுக கீதை: கலியுக கிருஷ்ணர் அருள, இவர் இயற்றிய நூலாகும். நாம் மனக்குழப்பத்தில் இருக்கும் தருணங்களில் இந்தத் திருநூலைத் திறந்து பார்த்தால், நம் குழப்பத்திற்கான தீர்வும், நாம் செய்யும் தவறுகள் என்ன என்பதையும் உணர்ந்து கொள்ள முடிகிறது.
ஆத்மயம்: இந்நூல் ஆன்மாவிற்கான ரகசியங்களை உலகிற்குப் பறைசாற்றுகிறது. ‘ஆத்மா என்றால் என்ன?’, ‘மறுபிறவி இல்லாமல் வாழ்வது எப்படி?’ என்பதை இது உணர்த்துகிறது. இந்நூல் முருகன் ஆத்ம குருவாக இருந்து இவருக்கு அருளியதாகும்.
குரு வழி நட: இந்நூலில் 50 குருமார்களின் உபதேசங்களும், வழிபாட்டு முறைகளும் மிக எளிய முறையில் வழங்கப்பட்டுள்ளன. இது நேரடியாக அந்தந்த குருமார்களே குரு ஆத்மேஷ்வரர் அவர்களுக்கு வழங்கிய உபதேசங்கள் ஆகும்.
இப்படிப் பல அற்புதமான நூல்களை அவர் தொடர்ந்து இயற்றி வருகிறார். இந்த நூல்களை வாங்குவதற்கான இணையதள லிங்க் கீழே கொடுக்கப்பட்டுள்ளது.

உலகம் இன்று AI (Artificial Intelligence – செயற்கை நுண்ணறிவு) நோக்கி அதிவேகமாகப் போய்க்கொண்டிருக்கும் இத்தருணத்தில், நாம் மறந்து போன ஆன்மீகத்தை நமது அடுத்த தலைமுறைக்குக் கொண்டு சேர்க்க குரு ஆத்மேஷ்வரர் மற்றும் அவரது குழுவினர் எடுக்கும் இந்த நன்முயற்சியில் நீங்களும் இணைய எங்களைத் தொடர்பு கொள்ளலாம்.

நன்றி, வணக்கம்!
புவி வாழ்த்த வாழ்க! 🙏